കാടായിക്കിടന്നിരുന്ന ഈ പ്രദേശത്ത് ധാരാളം ഉള്ളാടന്‍മാര്‍ (വേട്ടുവര്‍) താമസിച്ചിരുന്നുവ ത്രെ ആമകളായിരുന്നു ഈക്കൂട്ടരുടെ പ്രയിപ്പെട്ട ഭക്ഷണം ഇപ്പോള്‍ ക്ഷേത്രം സ്ഥിതിചെയ്യുന്ന സ്ഥലം ഒരു കാട്ടുകുളമായിരുന്നു. അവിടെ കാരാമയെ അന്വേഷിച്ചു നടന്ന ഒരു ഉള്ളാടസ്ത്രീ കുളത്തിലെ ചേറില്‍ അലകുകോല്‍ (കാരാമക്കോല്‍) കൊണ്ട് കുത്തിയപ്പോള്‍ അവിടെ നിന്നും രക്തം ശക്തിയോടെ മേലോട്ടുയര്‍ന്നുവരുന്നതായി കണ്ടു. ഇതുകണ്ടു ഭയചകിതയായ സ്ത്രീ തിരുപിഴൈ എന്ന് അലറിവിളിച്ചുകൊണ്ട് സ്ഥലയുടമയായ അറയ്ക്കല്‍പണിക്കരെ വിവരം അറിയിച്ചു. മറ്റു നാട്ടുപ്രമാണിമാരോടൊപ്പം അദ്ദേഹം സ്ഥലം സന്ദര്‍ശിച്ചപ്പോള്‍ കുളത്തിലെ വെള്ളം മുഴുവന്‍ രക്തമയമായിക്കണ്ടു. ഭയചികതരായ നാട്ടുകാര്‍ ഒത്തുകൂടി കുളത്തിലെ വെള്ളം വറ്റിക്കാന്‍ ശ്രമിച്ചു. മൂന്നു ദിവസം പരിശ്രമിച്ചിട്ടും വെള്ളം പൂര്‍ണ്ണമായിവറ്റിക്കാന്‍ കഴിഞ്ഞില്ല. എന്നാല്‍ അമ്മി ക്കുഴവിയുടെ ആകൃതിയിലുള്ള ഒരു ശിലയും അതില്‍ നിന്നും വമിച്ചുകൊണ്ടിരിക്കുന്ന രക്തവും കാണാനായി. അടുത്ത പ്രഭാതത്തില്‍ ഒരു യോഗീശ്വരന്‍ അവിടെ എത്തിച്ചേര്‍ന്നു.